လက်ကိုင်ဖုန်း ယဉ်ကျေးမှု

လက်ကိုင်ဖုန်း ယဉ်ကျေးမှု
မောင်စံပေါ
Page - 24, Bi Weekly Eleven, 18 March, 2011.

(၁)

       လက်ကိုင်ဖုန်းဆိုလို့ ''လက်က မကိုင်လို့ ခြေနဲ့ကိုင်ရမှာလားကွ''လို့တော့ မပြောကြပါနဲ့။ HANDPHONE ကို တိုက်ရိုက် မြန်မာမှု ပြုလိုက်တာပါ။ တချို့ ဘိုလိုရေးတဲ့ လိပ်စာကဒ်ကြားတွေမှာ MOBILE ဆိုထည့်တာလည်း တွေ့ဖူးပါတယ်။ ခေါင်းစဉ်ကို မြန်မာဆန်ဆန် ရေးချင်လို့ လက်ကိုင်ဖုန်းလို့ ရေးမိတာပါ။ အမှန်တော့ ဖုန်းဆိုတာ မွေးစားတာကြာလို့ သားသမီးအရင်းလို ဖြစ်နေတဲ့ အင်္ဂလိပ် စကားလုံးပါပဲ။ ရှိပါစေတော့။ ဟိုမှာဒီမှာ လွယ်လွယ်ကူကူ ရေးကြတဲ့ မျက်စိထဲ အမြင်များနေပြီဖြစ်တဲ့ ဟန်းဖုန်း စကားလုံးနဲ့ပဲ ခရီးဆက်ပါရစေ။

(၂)

       ဒီဟန်းဖုန်းဆိုသဟာကို မောင်စံပေါ စမြင်ဖူးတာ အိမ်နီးချင်းနိုင်ငံ တစ်ခုမှာပါ။ နှစ်တောင် ၂၀ လောက် ရှိရောပေါ့။ အဲဒီစတွေ့မြင်ဖူးတဲ့ ဟန်းဖုန်းကြီးက အကြီးကြီးရယ်။ လူရိုက်သတ်ရင်တောင် သေမလားဘဲ။ နောက်တော့ အဲဒီအကြီးကြီးက တဖြည်းဖြည်း သေးသေးလာတယ်။ ဈေးလည်းကျလာတယ်။ ပိုလည်း လှလာတယ်။ သုံးစွဲပုံ အဖုံဖုံနဲ့။

(၃)

       မောင်စံပေါတို့ ဆီမှာ ဆယ်လူလာနဲ့ စခဲ့ကြတာပေါ့။ ဈေးကလည်း တော်တော်ကြီးခဲ့ပါတယ်။ ဟန်းဖုန်းဟာ ငွေကြေးတတ်နိုင်တဲ့ သူဌေးတွေရဲ့ အဆောင်ယောင်တစ်ခုသဖွယ် ပုံပေါက်နေခဲ့ပါတယ်။ ဘယ်လက်မှာတစ်လုံး၊ ညာလက်မှာ တစ်လုံး၊ ခါးမှာချိတ်တာ နောက်တစ်လုံးနဲ့ အိုင်တင်ပေးတဲ့ ဦးဦး၊ ကိုကို၊ ကာလသားများကို မြင်ခဲ့ဖူးပါတယ်။

       အဲဒီတုန်းက ဟန်းဖုန်းဆိုတာ ရှားပါးကုန်။ ရှားပါးတော့ ခက်ခဲသပေါ့ဗျာ။ ဒီတော့ ပိုင်ဆိုင်တာကိုက၊ ကိုင်နိုင်တာကိုက ဂုဏ်တစ်ခုလို ယူဆကြသူတွေ ရှိခဲ့တာ မဆန်းလှပါဘူး။

       နောက်တော့ ဆယ်လူလာကနေ ဂျီအက်စ်အမ်တွေရော၊ စီဒီအမ်အေတွေရော အမျိုးတွေပွားလာပါတယ်။ ဟန်းဖုန်းမျိုးနွယ်စုကြီး ကြီးထွားလာသလို ဈေးသက်သာ လွယ်ကူစွာနဲ့ လူအများသုံးစွဲနိုင်ဖို့အခြေအနေဖြစ်ပေါ်တိုးတက်လာပါ လေရော။

တိုးတက်လာတဲ့ ပစ္စည်းတွေ များပြားလာတယ်။ ကိုင်တွယ်သုံးစွဲနည်း လမ်းညွှန်လို့ ပြောရမယ့် USERS' MANUAL စာအုပ်ငယ်ကလေးတွေ တွဲပြီး ပါလာတယ်။ 'လိုက်နာသင့်သော ကျင့်ဝတ်များ' ဆိုတာ ပါမလာပေမယ့် ကိုယ့်ဖာသာ နှလုံးသားနဲ့ ခံစား၊ ဦးနှောက်နဲ့ စဉ်းစားပြီး ပြဋ္ဌာန်းကြရမှာ....

      

       အဲဒီမှာ ကြွားစရာတစ်ခုလျော့တော့မှပဲ အောက်မေ့တဲ့ ကိုရွှေသူဌေး တချို့က ပြောကြတယ်။ ''ဟန်းဖုန်းကို ဟိုလူကိုင်၊ ဒီလူကိုင်နဲ့ဆိုရင် ကျုပ်တို့တတွေ အောက်တာပေါ့'' တဲ့။ ခက်ခက်ပါဘိတော့ဗျာ။ နဂိုကတည်းက အသုံးအဆောင်အဖြစ် မွေးဖွားလာတာပါ။ အဆောင်အယောင် မဟုတ်ဘူးလေ။

(၄)

       မြန်ဆန်လှတဲ့နည်းပညာတိုးတက်မှုတွေရဲ့ပြယုဂ်ဖြစ်တဲ့ ခေတ်ပေါ်အသုံးအဆောင်တွေထဲမှာ ဟန်းဖုန်းလည်း တစ်ခု အပါအ၀င်ပေါ့ဗျာ။

       စကားပြော ဆက်သွယ်ရရုံ သက်သက်ဖြစ်တဲ့ ရိုးရိုးအခြေခံ ဟန်းဖုန်း အဆင့်ကနေ စွယ်စုံသုံးဖုန်း SMART PHONE အဆင့်မြင့် တက်လာပါတယ်။

       ဖုန်းဆက်စကားပြောရုံသာမက ဟန်းဖုန်းနဲ့ ရေဒီယို နားထောင်နိုင်တယ်။ ရုပ်မြင်သံကြား ကြည့်နိုင်တယ်။ ဓာတ်ပုံ ကောင်းကောင်း ရိုက်လို့ရတယ်။ အရည်အသွေးမြင့် ဗီဒီယိုတွေ ရိုက်ကူး မှတ်တမ်းတင်နိုင်တယ်။ အသံသွင်းလို့ ရတယ်။ ဂိမ်းကစားနိုင် တယ်။ အင်တာနက် သုံးလို့ရတယ်။ သုံးနိုင်တဲ့ကဏ္ဍတွေ များမှများ။ ဟန်းဖုန်းတွေရဲ့ ဆောင်ရွက်နိုင်စွမ်းအားကလည်း ကြောက်ခမန်းလိလိ။

(၅)

       ကျောင်းမှာစာသင်ရင်း၊ ကျူရှင်တက်ရင်း ဟန်းဖုန်းနဲ့ မှတ်တမ်းတင်ပြီး ဖုန်းပြန်ဖွင့် စာပြန်နွေးတဲ့ ကလေးတွေလည်း တွေ့ဖူးတယ်။ ''တော်လိုက်တာ။ အကျိုးရှိရှိ သုံးတတ်ပါဘိ'' ဆိုပြီး ပီတိဖြစ်ရတယ်။

       မိတ်ဆုံပွဲတွေ၊ အခမ်းအနားတွေ၊ အမှတ်တရလေးတွေကို သီးခြား ကင်မရာ ဘာညာ ယူစရာမလိုဘဲ မှတ်တမ်းတင်နိုင်တာ မြင်ရတော့ အသုံးဝင်မှုကို အသိအမှတ် ပြုရပြန်ရော။

       တစ်ခါ ဒီဆူပါဟန်းဖုန်းတွေနဲ့ ယောက်ျား၊ မိန်းမ သံဝါသပြုတာတွေ ရိုက်လို့ရိုက်၊ နှစ်ဦးသား ဆိတ်ကွယ်ရာမှာ တွေ့ကြ ဆုံကြတာတွေ တိတ်တိတ်ကလေး မသိအောင်ရိုက်။ နှစ်ဦးသဘောတူရိုက် စတဲ့ဟာတွေကို လူထုအကြား နှံ့အောင်ဖြန့်လိုက်ကြတာတွေ သိရတဲ့အခါ တလွဲဆံပင် ကောင်းလှပါလားရယ်လို့ ဒေါသပွားရတယ်။

       ''ကြားလား'' ''ကြားလား'' ဆိုတဲ့ အသံတွေကလည်း ဟိုမှာ ဒီမှာ ညံလို့ရယ်။

(၆)

       ''ဟန်းဖုန်း အသုံးများလာတဲ့အခါ သုံးစွဲသူတွေမှာ ကျန်းမာရေး ထိခိုက်စေပါတယ်။ လျှပ်စစ် သံလိုက်စက်ကွင်း တွေကြောင့် ဦးနှောက်အာရုံကြောစနစ်ကို ချွတ်ယွင်းစေနိုင်တယ်။ လျှပ်စစ်သံလိုက်လှိုင်းတွေရဲ့ရိုက်ခတ်မှုဟာ ခန္ဓာကိုယ်ရဲ့ ဇီဝမျှ ခြေကို ထိခိုက်စေပါတယ်''ဆိုပြီး ကျန်းမာရေး ရှုထောင့်ကနေ သုတေသနပြု ဖော်ထုတ်မှုတွေ ရှိလာပါတယ်။

       အဲဒီမှာတင် ပညာရှင်များကလည်း မသုံးဘဲ နေလို့မရ၊ မသုံးဘဲ မနေနိုင်ကြမှတော့ ကာကွယ်နိုင်တဲ့ နည်းလမ်းတွေ ရှာကြမှာပဲဆိုပြီး QUANTIUM SHIELD လိုမျိုး ပစ္စည်းလေးတွေ တီထွင်ပြီး ဟန်းဖုန်းတွေရဲ့ နောက်ဖက်မှာကပ်ပြီး အသုံးပြုခြင်းအားဖြင့် ရာနှုန်းပြည့် အကာအကွယ် မပေးနိုင်ပေမယ့် ၉၀ ရာခိုင်နှုန်းလောက် အထိတော့ လျော့ကျ စေတယ်ဆိုပြီး သိပ္ပံနည်းကျ သုတေသနပြု ဖော်ထုတ်လာကြတယ်။ သုံးစွဲတဲ့ သူတွေကလည်း လက်ခံကြတဲ့ အလျှောက် ဟန်းဖုန်းတွေရဲ့နောက်မှာ ဒိုင်းပြားလေးတွေ မြင်လာရပြန်တယ်။

       ဒါက သုံးစွဲသူကို တိုက်ရိုက်ထိခိုက်တာနဲ့ ပတ်သက်တာ တစ်ခုပါ။

       သုံးစွဲသူရဲ့ ပတ်ဝန်းကျင်ကိုရော။

(၇)

       သုံးစွဲသူရဲ့ ပတ်ဝန်းကျင်မှာ သိသာ ထင်ခြားတာက မကြားချင်ဘဲ ကြားနေရတဲ့ နှစ်လိုဖွယ်ရာ မရှိသော ဖုန်းခေါ်သံ Ring Tone တွေက ပထမဦးဆုံး ပြဿနာ။ သာယာနာပျော်ဖွယ်ရာ တီးလုံးလေးတွေ၊ သီချင်းသံလေးတွေက ပြဿနာ သိပ်မရှိလှပေမယ့် ညစ်ညစ်ညမ်းညမ်း၊ မိုက်မိုက်ရိုင်းရိုင်း ဖုန်းကိုင်ခိုင်းတဲ့ စကားတွေ၊ ကြောက်စရာ ဆူညံသံတွေက ကြားရသူကို တော်တော်ဒုက္ခပေးပါတယ်။

       မူးယစ်ဆေး အတူသုံးစွဲပြီးခဏ လောကကြီးကလွန်မြောက်သာယာနေရာက ဟန်းဖုန်း သံကြောင့် နိဗ္ဗာန်ဘုံ ပျောက်ဆုံးရလို့ ဒေါသထွက်ပြီး ရန်ဖြစ်ရာက သူငယ်ချင်းကို သတ်မိတဲ့အထိဖြစ်သွားတဲ့မှုခင်းတစ်ခု အိမ်နီးချင်းနိုင်ငံတစ်ခုမှာ ဖတ်ဖူးပါတယ်။

       နောက်ပြဿနာက ဖုန်းပြောတဲ့ စကားသံတွေ။ ဟန်းဖုန်းသုံးစွဲသူ တစ်ယောက်ထဲနေတဲ့ အခါမှာ ဘာမှ အကြောင်း မဟုတ်ပေမယ့် လူအများနဲ့ သက်ဆိုင်နေတဲ့ နေရာတွေမှာ တော်တော်လေး အနှောက်အယှက် ဖြစ်ရပါတယ်။

       ဟောတစ်ယောက်ထဲ ပြုံးလိုက်၊  ရယ်လိုက်၊ နှုတ်ခမ်းစူလိုက်၊ အမူအရာ အမျိုးမျိုးနဲ့ ပါးစပ်လေး လှုပ်စိလှုပ်စိ လုပ်နေတဲ့ မိန်းကလေးတွေ့ရလို့ စိတ်မှမှန်ရဲ့လားဆိုပြီး သေသေချာချာ စူးစမ်းမိမှ ဗလွတ်တွတ် (BLUE TOOTH) နဲ့ စကားပြောဓာတ်ခွက် သေးသေးလေးနဲ့ အိတ်ထဲက ဟန်းဖုန်းကို ချိတ်ဆက်ပြောနေတာပါလားသတိထားမိရပြန်တော့ ကိုယ့်ဖုန်း စကားပြောသံကြောင့် ပတ်ဝန်းကျင် အနှောင့်အယှက် မဖြစ်အောင် နေတတ်ပါလားလို့ ချီးကျူးမိရ ပြန်ပါရော။

(8)

       ''ချီးကျူးစရာ မဖြစ်ရင်တောင်မှ ကဲ့ရဲ့စရာ မဖြစ်အောင် နေကြ''တဲ့။ အမေမှာဖူးတယ်။

       ခက်တာက လောကကြီးမှာ တချို့ ကျင့်ဝတ်တွေ၊ စည်းကမ်းစည်းမျဉ်းတွေ ဆိုတာက ဘယ်သူကမှ ဥပဒေထုတ်ပြန် ချမှတ်ပေးထားတာ မဟုတ်ဘူး။ ကိုယ့်ဖာသာ အသိစိတ်ကလေးနဲ့ ဒါဆိုရင်တော့ မသင့်တော်ဘူးဟဲ့။ ငါ့နားမှာ ဒါမျိုး လာလုပ်နေရင် ငါခံနိုင်မှာ မဟုတ်သလို သူ့အနား ငါသွားလုပ်ရင်လည်း ဘယ်ခံနိုင်မှာလဲ စသဖြင့် ဆင်ခြင်ပြီး နေထိုင်ရတာမျိုး။

       ဒါတောင်မှ မသိသားဆိုးဝါးတဲ့သူတွေ ရှိသေးတယ်။ ကုမ္ပဏီကြီး တစ်ခုရဲ့ အစည်းအဝေးမှာ အရေးပါတဲ့ပြခန်း၊ ဖြန့်ဖြူးရေး မဟာဗျူဟာ၊ နည်းဗျူဟာတွေကို နိုင်ငံခြားမှာ သင်ယူလာတဲ့ စီးပွားရေးပညာတွေ အခြေခံလို့ တက်ကြွစွာနဲ့ စိတ်ပါလက်ပါ လေးလေးနက်နက် ဆွေးနွေးနေချိန်မှာ အရောင်းမန်နေဂျာ တစ်ယောက်ရဲ့ ဟန်းဖုန်းက သံသေးသံကြောင်နဲ့ ထမြည်ပါရော။ ဒါနဲ့မျက်မာန်ရှလို့ ဖခင် စီအီးအိုကြီးက အလုပ်ဖြုတ်ပစ်တယ်။

       နောက်တစ်ခုကျတော့ သူငယ်ချင်းတစ်ယောက် ပြောပြတာ။ ''ကျုပ်ဗျာ အစည်းအဝေးကြီး တစ်ခုရယ်လို့ သွားတက် ပါတယ်။ ထိပ်ကထိုင်နေတဲ့ လူကြီးသဘာပတိကိုမှ အားမနာ၊ အစည်းအဝေးကို မလေးမစားနဲ့၊ ဟိုနေရာက ဟန်းဖုန်းက ထမြည်၊ ဒီနေရာက ဟန်းဖုန်းက ထမြည်နဲ့ ကြာလာတော့ ကျုပ်စိတ်က သိပ်မကြည်တာနဲ့ ကိုယ့်အလှည့်ရောက်တော့ အဲဒီကိစ္စ ပြောလိုက်မိတယ်။ ကျုပ်မှားသွားသလားဗျာ''တဲ့။ ဒါနဲ့ လက်ဖက်ရည်ဝိုင်းမှာ ထိုင်နေတဲ့ တခြားသူငယ်ချင်းတစ်ယောက် ဆရာကြီးလေနဲ့ ''မှားတယ်''တဲ့။ ''ဗျာ''ဆိုတော့ ''အဲဒီအစည်းအဝေးမျိုး သွားတက်တာကိုက မှားတာ'' ဆိုပဲ။

(9)

       တချို့ ရုံးတွေ၊ အစည်းအဝေးခန်းမတွေမှာ 'လက်ကိုင်ဖုန်းများ ပိတ်ထားပေးပါရန် မေတ္တာရပ်ခံပါတယ်''ဆိုတဲ့ စာတမ်းတွေ ပေါ်လာတယ်။

       ဓာတ်ဆီဆိုင်တွေမှာ 'ဆီဖြည့်စဉ် လက်ကိုင်ဖုန်း အသုံးမပြုရန် မေတ္တာရပ်ခံအပ်ပါသည်'စတဲ့ စာတန်းကပ်တယ်။ လိုအပ်တော့လည်း လုပ်ရတော့တာပါပဲ။

       'ဟန်းဖုန်းပြောနည်းလမ်းညွှန်' 'ဟန်းဖုန်းကျင့်ဝတ်' စတဲ့ နာမည်မျိုးစုံနဲ့ စာအုပ်တွေတော့ မတွေ့မိသေးပါဘူး။ ဘိုလိုရေးတဲ့ စီးပွားရေးပညာပေး၊ အုပ်ချုပ်မှုပညာပေး မဂ္ဂဇင်းတစ်ချို့မှာတော့ ဆောင်းပါးလေးတွေ ဖတ်ဖူးပါတယ်။

       တိုးတက်လာတဲ့ ပစ္စည်းတွေ များပြားလာတယ်။ ကိုင်တွယ်သုံးစွဲနည်းလမ်းညွှန်လို့ ပြောရမယ့် USERS' MANUAL စာအုပ်ငယ်ကလေးတွေ တွဲပြီး ပါလာတယ်။ 'လိုက်နာသင့်သော ကျင့်ဝတ်များ' ဆိုတာ ပါမလာပေမယ့် ကိုယ့်ဖာသာ နှလုံးသားနဲ့ ခံစား၊ ဦးနှောက်နဲ့ စဉ်းစားပြီး ပြဋ္ဌာန်းကြရမှာ။

(10)

       ဟန်းဖုန်းတွေ အဆင့်မြင့်မြင့် လာတယ်။ သုံးစွဲသူတွေရဲ့ ယဉ်ကျေးမှု အဆင့်မြင့်မြင့်လာတယ်။

       ဟန်းဖုန်းတွေ ပိုပိုပြီး လှလှလာတယ်။ သုံးစွဲသူတွေရဲ့ စိတ်ဓာတ်တွေ ပိုပိုပြီး လှလှလာတယ်။

       ဟန်းဖုန်းတွေမှာ သုံးစရာ ပိုများလာတယ်။ သုံးစွဲသူတွေလည်း လောက၀န်းကျင်အတွက် အရေးပါတဲ့သူတွေ ပိုပြီး များများလာတယ်။

       ကောင်းလိုက်တာဗျာ။ ဒီလိုပဲ ဖြစ်ရမှာပေါ့။     ။