အဖေ၊ အမေ၊ သား၊ စာအုပ်နှင့် မိတ်ဆွေများ
Pg-20 Weekly Eleven 23-4-2008
(1)
ဒီစာစုကလေးကိုချပြီးတော့ရေးသာရေးမိတယ်။ ဘာများဆန်းသဟာမို့လဲ။ ဘာများလွမ်းစရာမို့လဲ။ ပြောရင်လည်းနားထောင်လိုက်ရုံပါပဲ။
အဖေ့အကြောင်း၊ အမေ့အကြောင်း. . . . . ။မိဘတွေအကြောင်းရေးတာများရိုးနေပါပြီ။ အီပေါ့ဆို ချင်လည်းဆိုကြပါလိမ့်မယ်။
ရိုးပါတယ်။ တကယ်ကိုလည်း ရိုးပါတယ်လို့ ကျွန်တော်ပြောပါတယ်။ ရိုးတယ်ဆိုတယ်။ မှန်ပါတယ်။ ဒီနေရာမှာပြောတဲ့'ရိုး'ဟာ ဖြူစင်သန့်ရှင်းခြင်း၊ ကွေ့ကောက်မှုမရှိခြင်း၊ သူတစ်ပါးကို ဒုက္ခရောက်စေလိုတဲ့ဆ န္ဒမှကင်းကွာခြင်း၊ ပကတိအခြေအနေအတိုင်း မှန်ကန်စွာရှိခြင်းတွေနဲ့ ပေါင်းစပ်ထားတာပါလို့ နားလည်သ လိုဆိုပါရစေ.
'အီ'ဆိုတဲ့ငြီးငွေ့ခြင်း အရင်းခံတစ်ခု မပါပါဘူး။
(2)
'အများကြီးရှိဖို့ မလိုပါဘူး။ နည်းနည်းလေးဖြစ်ပါစေ၊ စွဲငြိဖို့လိုပါတယ်'တဲ့။
ကိုကျေးကဗျာတွေထဲက တိုစစတစ်ပုဒ်ပါ။ အဖေလို့ပြောလိုက်တာနဲ့ ပထမဦးဆုံးသတိရမိတာက ငယ်ငယ်တုန်းကဂါးဒီးယန်းအင်္ဂလိပ်သတင်းစာရဲ့ တနင်္ဂနွေအချပ်ပိုမှာပါတဲ အင်္ဂလိပ်ပုံပြင်လေးတွေကို ဖတ် ပြီး ဘာသာပြန်ပြောပြတဲ့ညတွေပါပဲ။
အကြောင်းအရာစုံ ပုံပြင်မျိုးစုံကို အင်္ဂလိပ်ဘာသာကနေ မြန်မာမှုပြုပြီး ပြန်ပြောပြတဲ့ အဖေ့ရဲ့စကား သံတွေနားထောင်ရင်း အိပ်မောကျခဲ့ရတဲ့ညတွေ၊ မှန်းဆလွမ်းရသလို့ တမ်းတမိတဲ့အခါတွေလည်းရှိခဲ့ပါရဲ့။
နောင်တစ်ချိန်မှာ ငါ့ဘာသာငါပြန်ဖတ်ကြည့်ဦးမယ်ဆိုပြီး အင်္ဂလိပ်အချပ်ပိုလေးတွေကို သေသေချာ ချာတယုတယနဲ့ သိမ်းခဲ့ဖူးတယ်။
အဖေ အမှုထမ်းဘ၀မှာ ဟိုရွှေ့ဒီရွှေ့နဲ့ ''ပြောင်း'' ရင်း ''ပျောက်'' သွားတာတွေ နှမြောမိသားရယ်။
(3)
အဖေ့ရဲ့ဓာတ်ပုံနဲ့ပတ်သက်လို့မှတ်မိသမျှတော့ စာဖတ်တယ်။ မှတ်ချင်တာရှိရင် မှတ်စုစာအုပ် ထဲမှာကူးရေးတယ်။
အင်္ဂလိပ်ဘာသာနဲ့ရေးတဲ့ အတွေးအခေါ်စာအုပ်တွေ၊ နိုင်ငံရေးစီးပွားရေးစာအုပ်တွေ၊ သင်္ချာစာအုပ် တွေ အဖတ်များတယ်။
မြန်မာဘာသာနဲ့ဆိုရင် ဘာသာရေးစာအုပ်တွေ့နဲ့ ရှေးစာတွေအဖတ်များတာမှတ်မိပါတယ်။
(4)
မြန်မာစာအုပ်အဖတ်များတာကတော့အမေပါပဲ။ ''မိန်းကလေးတစ်ယောက် ဒါလောက်စာတတ်စရာ မလိုဘူး'' ဆိုတဲ့ အမေ့ရဲ့အဘိုးအဘွားတွေ လမ်းညွှန်မှုအောက်မှာ လေးတန်းလည်းအောင်ရော ကျောင်းထွက်ရပါရော။ ၁၉၃၂ ခုနှစ်လောက်ပေါ့။
အဘိုးအဘွားတွေ ကျိကျိတက်ချမ်းသာပေမယ့် ကျောင်းထွက်ပြီး မီးဖိုချောင်ဝင်ခဲ့ရတဲ့အမေ ဟင်းချက်ကောင်းတာတော့ မဆန်းလှပါဘူး။
ဆန်းတာက အမေစကားပြောလွှတ်ကောင်းတယ်။ စာတွေအရမ်းဖတ်ပြီး မှတ်ဉာဏ်ကလည်း ကောင်းမှကောင်း။
အမေ ၀မ်းချုပ်လို့ အိမ်သာမတက်တဲ့ရက်သာ ရှိရင်ရှိမယ်။ စာဖက်ပျက်တဲ့ရက်ကတော့မရှိ။ လုံးဝမရှိ၊ မရှိရေးချမရှိ။
(5)
ဒီအဖေ၊ ဒီအမေကမွေးတဲ့သားမှာ စာဖတ်ဝါသနာပါတာဖြစ်ရိုးဖြစ်စဉ်ပလို့ဆိုရင်လည်းဆိုပေါ့ဗျာ။ ကျွန်တော်ကတော့ ကိုယ့်ကိုယ်ကို အင်မတန်ကံကောင်းတယ်လို့ သတ်မှတ်ထားတယ်။ စာဖတ်ဝါသနာ အမွေရလို့။
သူငယ်တန်းကြီးနှစ်မှာ လူထုဦးလှရဲ့ ပုံပြင်စာအုပ်များများနဲ့ ရင်းနှီးခဲ့တယ်။ ဒုတိယတန်းနှစ်မှာ ၀တ္ထု စဖတ်ဖြစ်တယ်။ ပထမဦးဆုံးဖတ်ဖြစ်တဲ့ဝတ္ထုက`တက္ကသိုလ်ဘုန်းနိုင်´ရဲ့ `လွမ်းတေးမဆုံးစေနဲ့ စောသခင်´ အဲဒီနောက် စာအုပ်ပေါင်းစုံဆက်ဖတ်ဖြစ်ခဲ့တယ်။ ရတုကဗျာပျို့လင်္ကာတွေကို နှစ်သက်စွာနဲ့ ဖတ်ကျက်ရွတ် ရေးမှတ်ခဲ့သလို့ ဓမ္မသဘင်ဖြစ်ထုံးစီရင်ထုံးတွေဖတ်ပြီး တရားသူကြီးရူး၊ ရှေ့နေရူးလည်းရူးဖူးတယ်။ ငလက် တို၊ ငညို၊ စကားတောင်စား၊ ခုံတော်မောင်ကျဘမ်းတို့ရဲ့စကားကြွယ်ဝမှုကို အားကျခဲ့ဖူးတယ်။
(6)
အ.ထ.က(၁) စစ်ကိုင်းနဲ့ အ.ထ.က(၁)တောင်ငူရဲ့ကျောင်းစာကြည့်တိုက်တွေဟာ ကျွန်တော့်အဖို့ စာအုပ်မွှေရာ စာမွေ့ရာနေရာတွေဖြစ်ခဲ့ပါတယ်။
စာကြည့်တိုက်တွေမှာ ငှားဖတ်တယ်။ စာအုပ်ငှားဆိုင်တွေမှာငှားဖတ်တယ်စတဲ့ စာအုပ်ဆိုင်တွေမှာ မြည်းရင်းနဲ့ တော်တော်များများကို ပြန်ပြန်ဖတ်မိတယ်။
တတ်နိုင်တဲ့ငွေကြေးအတိုင်းအတာကလေးနဲ့ ၀ယ်ဖတ်ဖြစ်တယ်။ စုဖြစ်ခဲ့တယ်။
(7)
စာအုပ်ဝယ်တဲ့ စာအုပ်စုတဲ့ဝါသနာကိုအားပေးခဲ့တဲ့သူတွေထဲမှာ ပထမဦးဆုံး ကျေးဇူးတင်ရတဲ့ သူ ကတော့ အဖေပါပဲ။
မှတ်မှတ်ရရ ငယ်ငယ်တုန်းကတစ်လကိုနှစ်ခါလောက် ဆံပင်ညှပ်ရတယ်။ ၃တန်းကစပြီး စစ်ကိုင်း အ.ထ.က(၁)မှာကျောင်းတက်ခဲ့တာ။ စစ်ကိုင်းမှာ သားအဖနှစ်ယောက်အဖေကနင်း၊ သားက ကယ်ရီယာမှာ ထိုင်၊ ဆံပင်ညှပ်ဆိုင်သွားကြတယ်။ ဆံပင်ညှပ်ပြီးရင် စာအုပ်ဆိုင်ဝင်တယ်။ ''နေးရှင်းစာပေ'' ''ညွန့်စာပေ'' စတဲ့စာအုပ်ဆိုင်တွေဟာ ကျွန်တော်ရဲ့ဖောက်သယ်တွေပေါ့။ ဆံပင်ကို အဖေညှပ်စေချင်သလို တိုတိုညှပ်တယ်။ ဘဲမြီးငုတ်စိကိုဆွဲမိရအောင်ညှပ်တယ်။ ပြီးရင် ကျွန်တော်လိုချင်တဲ့ စာအုပ်တွေ ဖေဖေက၀ယ်ပေးတယ်။ သားအဖနှစ်ယောက်ရဲ့အပေးအယူပေါ့။
(8)
အပေးအယူဆိုလို့ယူပြီးမပေးတဲ့သူတွေလည်း ဘ၀မှာတွေ့တွေ့လာရတယ်။ ငွေရေးကြေးရေးကိစ္စ တွေမှာ ချေးပြီးပြန်မပေးကြတာအများကြီးတွေ့ရတယ်။
ကျွန်တော့်အတွက်ပိုဆိုးတယ်ထင်တာပြောရရင် စာအုပ်တွေနဲ့ ပတ်သက်တဲ့ကိစ္စပါပဲ အပြီးပြန်မပေး တော့တာ၊ ဘုန်းပစ်လိုက်ကြတာ အစဖျောက်ပစ်လိုက်ကြတာ။
တချို့က ရိုးသားစွာ ကြာပြီးမေ့တာ (ဒါတောင်မှ စောဒကတက်စရာရှိပါတယ်။ မေ့စရာလားပေါ့)။ တချို့ကတော့ ရည်ရွယ်ချက်နဲ့ကို ငှားပြီး ပြန်မပေးတာ။ ခံရတာများတော့ ပါးစပ်ကလည်းမပြောချင်၊ ရိုးရိုး သားသားနဲ့ငှားဖတ်ချင်တဲ့သူတွေကိုလည်းပြောမထွက်နဲ့ စာအုပ်တွေ့နဲ့ ဒုက္ခရောက်တာကြာလာပါရော။
နောက်ဆုံးတော့ ''စာအုပ်များလုံးဝမငှားပါ''။ စာတန်းတွေရေးပြီးထားတဲ့ဘ၀ရောက်တော့တာဘဲ။
ဒါတောင်မှ ငှားမရဘူးဆိုရင် ''တောင်းရင်တော့ပေးမှာပါ'' နောက်ပြီး အားမနာလျှာမကျိုးတောင်းကြ တဲ့သူတွေကရှိသေးတယ်၊ ဗြောင်ကျပါပေ့ဗျာ။
(9)
စာအုပ်တွေကိုချစ်မက်စွာနဲ့တွယ်တာမိတော့လည်း ရောက်လေရာ ရှာဖွေကြည့်ရတော့တာပါပဲ။ သွားလေရာစာအုပ်ပါသလို ရောက်လေရာမှာ စာအုပ်ရှာတယ်။ ဖတ်စရာ လက်မှာမှ မရှိရင် ဟာတာတာနဲ့ရယ်။ သစ်တောဦးစီးဌာနနဲ့ မြန်မာ့သစ်လုပ်ငန်းမှာ တာဝန်ထမ်းစဉ်တုန်းက လည်းအတူတူပါပဲ။ စာအုပ်ပါတယ်။ စာအုပ်ရှာတယ်။ တာဝန်အရတောထဲတောင်ထဲသွားလာရပါတယ်။ နေထိုင်လုပ်ကိုင်ရပါတယ်။ တောအုံကြားက ရွာကလေးတွေမှာ အိမ်ကလေးတွေမှာ စာအုပ်မတွေ့ရတာ အံ့သြစရာမကောင်းပေမယ့် အံ့သြစရာကောင်းလောက်အောင် စာသန့်ပေသန့်စာအုပ်တွေတွေ့ရတတ်တာ လည်းရှိပါတယ်။
(10)
မျက်မှောက်ခေတ်ထက်ဝေနေတဲ့စာအုပ်တွေရဲ့ ပုံနိုပ်မှတ်တမ်းမှာ ကြည့်လိုက်ရင် တွေ့ရပါလိမ့် မယ်။ အများစုက အုပ်ရေ ၅၀၀။ လူဦးရေ သန်း ၅၀ ကျော်၊ သိန်း ၅၀၀ ကျော်၊ လူတစ်သိန်းကျော် စာတစ် အုပ်။ `အားရစရာကြီးပါလား ဟရို့´လို့ အော်ချင်ပါတယ်။
တကယ်ကို အားရစရာကြီးပါဗျာ။
(11)
ကုသိုလ်ကံအကျိုးပေးစွာနဲ့ယနေ့ မြန်မာပြည်ရဲ့သူဋ္ဌေးကြီး စာရင်းဝင်ဖြစ်နေတဲ့ သူငယ်ချင်း တစ်ယောက်ဖိတ်လို့ နတ်တို့ဖန်သည် ဗိမာန်သည်လည်း မြေကိုခွဲထွက် ရောင်လျှံလက်စွာ ရှိနေပါသော အိမ်ဂေဟာကိုရောက်ခဲ့ပါတယ်။
ခေတ်မီအသုံးအဆောင်တွေ၊ ဇိမ်ခံပစ္စည်းတွေ၊ ကျွန်တော် နာမည်မခေါ်တတ်တဲ့ကားတွေ၊ အားပါး ပါးများမှများ၊ ကောင်းလေစွတကားလို့ ယောင်ယမ်းမိပါတယ်။
တိုက်တာသောက်၊ ကျွေးတာစား၊ ကြွားတာနားထောင်ရတာများတော့ သက်သာလို့သက်သာငြား ဖတ်စရာစာအုပ်ရှာကြည့်တယ်။ သူ့အိမ်က ကလေးမ ကလေးကိုမေးမိ တောင်းမိတယ်။ မရှိပါဘူးရှင်တဲ့. . . ခတ်ပြီ။
`သူငယ်ချင်း၊ မေးမနေနဲ့၊ ဘာစာအုပ်စာစောင်မှမရှိဘူး။ ငါ့ကိုကြည့်စမ်း။ ကျောင်းတုန်းက စာမှာ မင်းတို့နောက်မှာ။ ငါ ဘာမှမဖတ်ဘူး။ ငါ ဘာမှသိပ်သိတာမဟုတ်ဘူး။ ဒါပေမဲ့ အခု ငါ မင်းတို့ အားလုံးပေါင်းရင်ရှိတဲ့ ငွေပမာဏထက် အဆများစွာချမ်းသာတယ်။ ဘာပြောချင်သလဲ´တဲ့။
(12)
ဘာမှမပြောချင်ပါခင်ဗျာ။
ပညာခေတ်မှာ ထင်တာဖြစ်နေလည်း ခဏပေါ့ဗျာ။ လောလောဆယ်တော့ ပညာရှင်ကို ငွေရှင်က လခပေးပြီးခိုင်းနေရဲ့။
မြတ်ဗုဒ္ဓရဲ့သြ၀ါဒတွေနဲ့ကြီးပြင်ခဲ့တာ။ စာဖတ်ဝါသနာပါတဲ့ မိဘတွေရဲ့ အရိပ်အောက်မှာနေပြီး စာပေါင်းစုံတွေ့လာခဲ့။ စာတွေထဲကနေဘ၀ပေါင်းစုံတွေ့လာခဲ့တာ။ မုဒိတာပွားနိုင်ပါတယ်။ မနာလိုလည်းမရှိပါဘူး။
ဒါပေမဲ့ စဉ်းစားမိတယ်။ ဒီသူငယ်ချင်း တတေးဂျီးလိုလူတွေဘယ်လောက်များနေပြီလဲ။ အဲဒါဘာကို ဖော်ညွှန်းတာလဲ။ အကောင်းလား၊ အဆိုးလား။ ဒီလမ်းကြောင်းအတိုင်း ဆက်ပြီးနှင် ခရီးတွင် ရောက်မယ့်နေရာကဘာလဲ။
ဦးနှောက်လည်း တော်တော်စားသွားခဲ့ပါတယ်။
